तुलसीपुर, ३० पुस ।
पश्चिम दाङमा रोकिराखेको ट्याक्टरसंग अटो ठोक्किदा एक जनाको मृत्यु भएको छ भने अर्का एक जना गम्भिर घाइते भएका छन् । दुर्घटनामा परी अटोमा सवार दंगीशरण गाउँपालिका वडा नम्बर ४ का ५० बर्षिय दिपक बुढाथोकीको मृत्यु भएको छ ।
दुर्घटनामा गम्भिर घाइते बुढाथोकीको उपचारको क्रममा कोहलपुरमा मृत्यु भएको इलाका प्रहरी कार्यालय तुलसीपुरका प्रमुख डिएसपी श्यामु अर्यालले जानकारी दिनुभयो ।
दुर्घटनामा अटो चालक दंगिशरण-३ हेकुलीका २७ वर्षिय मनिष चौधरी गम्भिर घाइते हुनुभएको छ । गम्भिर घाइते चौधरीलाई तुलसीपुरमा सामान्य उपचारपछि कोहलपुर रिफर गरिएको छ । चौधरीको टाउको,मुख,बायाँ हातमा गहिरो चोट लागेको छ ।
तुलसीपुरबाट हेकुली तर्फ जादै गरेको रा १ ह २९६६ नम्बरको अटो हेकुली चोकमा रोकीराखेको रा १ त २८२२ नम्बरको ट्रयाक्टर संग ठोक्किदा दुर्घटनामा परेको डिएसपी अर्यालले बताउनुभयो । प्रहरीले अटो र ट्याक्टरलाई नियन्त्रणमा लिएको छ । ट्याक्टर चालक भने फरार रहेको प्रहरीले जनाएको छ ।